REPUBLIQUE DU BURUNDI

PA-PUISSANCE D'AUTODEFENSE-AMASEKANYA

Leta iguma itoteza abanywanyi ba PA-Amasekanya

Haraheze amezi atandatu Leta yuzuyemwo Frodebu n'abapalipehutu izindura abajandarume abapolisi n'abakuru b'amazone y'igisagara ca Bujumbura ngo baje mu mabarabara, kuva isaha cumi na zibiri zo mu gitondo, babuze abanywanyi ba PA-Amasekanya kugira sporo. 

Uwo bafashe lero bibaza ko ari muri PA-Amsekanya baca bamupfunga bakamutangisha ihadabu ry'umurengera.  Mu kwezi guheze hapfunzwe abantu icumi batanga ihadabu ry'amahera yegereye ibihumbi ijana.  Kuri uyu munsi wa Mungu itariki ya 17/06/2001 bakaba bapfunze abantu batanu bariko bigirira sporo ngo nabo muri PA-Amasekanya.

Murazi kandi ko PA-Amasekanya itashobora gushikiriza ivyiyumviro vyayo haba mu kugirisha amanama canke kuvugira kw'iradiyo canke kuri televiziyo vy'Uburundi.  Ayo mabi yose akorerwa PA-Amasekanya akaba ari uko iguma ikoma induru ivuga ko Leta n'inama yo mu Kigobe vyuzuyemwo abicanyi atakindi bipfuza atari ihonyabwoko ry'Abatutsi vyovaho. Hakajaho intwaro irwanya ivyaha ivyarivyo vyose n'ababigize abaribo bose.

Mu gihe iyi Leta iturubika abanywanyi ba PA-Amasekanya iguma irungika Frodebu n'abo bicuditse i Nairobi, i Tanzaniya, muri Afrika Yepfo kugira ngo bahure n'abandi bige neza ingene bobandanya ihonyabwoko.  Mukaba muzi kandi ko ari abo bafrodebu-Cndd-Fdd na Palipehutu-Fnl badasiba kwiha inkumbi mu gihugu hagati no mu gisagara ca Bujumbura .  Aha i Bujumbura baraza bakica abantu, inka, amahera, umuceri bakikorera, bakigira, bukeye abajandarume, abapolisi n'abakuru b'amazone bakazinduka gukubita no gupfunga abanywanyi ba  PA-Amasekanya.

Abarundi lero bashaka amahoro barakwiye kumenya ibikurikira :

1. Frodebu-Cndd-Fdd na Palipehutu-Fnl vyarakenyeye ngo biheraheze ihonyabwoko ry'Abatutsi. Bisigaye bikoresha n'abajandarume, abapolisi n'abakuru b'amazone ngo batuze abo bose bashaka kwanka iryo honyabwoko.

2. Abarundi bategerezwa kuva hasi bakiyamiriza ubwo buyobe, aka karanda iyi Leta yatuzaniye.  Nayo ahandi ho ni bemere babe ibinyaganwanka, babatware utwabo babona, babakoreshe mu guturubika benewabo, babice nk'abana b'imbeba.

3. Abakenyezi, abashingantahe n'urwaruka ni bave hasi bashigikire ivyiyumviro vya PA-Amasekanya kuko inzira yafashe kuva mu 1996 iratomoye.  PA-Amasekanya ibandanya yiyamiriza ibiganiro atakindi birondera atari kugirira ikigongwe abicanyi no kubandanya ihonyabwoko ry'Abatutsi.

4. Abarundi n'amakungu bave hasi biyamirize intwaro yima ijambo abariko biyamiriza indwano y'ihonyabwoko ariko igasasira indava abicanyi.  Intwaro iguma ihenda Abarundi ngo abicanyi bagira ihonyabwoko bazoteba bibwire ko kugira ihonyabwoko ari bibi bahagarike indwano.  Nta bicanyi bagira ihonyabwoko bashobora kurihagarika na Leta ibashigikiye ntibishobora.

5. PA-Amasekanya iratumyeko Abarundi bose ngo bame bazinduka ku munsi wa Mungu ntibemere ko Frodebu na Palipehutu bibabuza kugira sporo. Ntimutinye, uwuje muri PA-Amasekanya aba asezeranye n'ubwoba.

         Tuje hamwe, turwanye umwansi, ateshwe ate.

Bigiriwe i Bujumbura, itariki 17/6/2001

PA-PUISSANCE D'AUTODEFENSE-AMASEKANYA

Ir RUTAMUCERO Diomède

PEREZIDA. 

Retour