REPUBLIQUE DU BURUNDI

PA-PUISSANCE D'AUTODEFENSE-AMASEKANYA

Barundi, Barundikazi, ntimwemere ko N. Mandela na P. Buyoya babagurisha nk'intama.

Itariki 16/07/2001, umurwi G7 uvuga ko userukira Abahutu warandikiye Mandela umubwira ivyo bashaka ko uwuzotwara Uburundi avuye muri G10, ategerezwa kwemera. Bimwe bimwe muri vyo ni ibi :

1. Ategerezwa gukuraho ivyo abo muri G10 basavye ngo vyongerwe mu masezerano y'i Arusha.

2. Ategerezwa kwemera ko azoha ubutegetsi uwuserukira G7 amezi cumi n'umunani aheze.

3. Ategerezwa kwemera ko azokwirikiza ivyanditswe mu masezerano y'i Arusha vyose.

4. Ategerezwa kwemera ko urwaruka rw'Abahutu rugenywe n'umurwi G7 ruzokwiga mu Burundi no mu   mahanga, ivyirwa Abahutu batemerewe kwiga, ubucamanza, umutekano, intwaro n'ivy'ubutunzi.

5. Ategerezwa kwemera ko haza mu Burundi inteko zivuye hanze zitari munsi y'ibihumbi bine (4.000).

6. Ategerezwa gusaba izo nteko ONU, bunonyene akija ku butegetsi.

7. Ategerezwa kwemera kwinjiza mu gisoda c'Uburundi abitwaje ibigwanisho.

8. Ategerezwa kupfungura abo bose bapfungiwe ivya politike.

9. Ategerezwa gukura muri Congo abasoda b'Uburundi.

Ivyo ni bimwe bimwe biri muri iryo kete.  Kandi nivyo N. Mandela yaciye yemeza Petero Buyoya kugira amwemerere ko aguma atwara Uburundi.  Tubisanga mu bintu cumi na kimwe Petero Buyoya yemereye Mandela itariki  12/07/2001 i Pretoriya imbere yuko amugena ngo abandanye atwara Uburundi. Nkuko muza kuvyibonera ni ibintu vy'agacamutwe ku bantu ihonyabatutsi rya Frodebu-Cndd-Fdd, Palipehutu-Fnl n'abandi bari kumwe rirondera.

Ivyo bintu 11 Petero Buyoya yemereye N. Mandela biraboneka neza ko ari ivyo Frodebu nabo birikumwe bashaka gushira mu ngiro kugira ihonyabatutsi rishike kuco rishaka.  Ivyo Petero Buyoya yemeye rero ni ibi :

1. Petero Buyoya ategerezwa gukurikiza atakivuyemwo ivyanditswe mu masezerano yagiriwe i Arusha muri Tanzaniya mu kwezi kwa munani umwaka w'2000.

2. Ategerezwa gushira muri Leta abaserukira imigambwe yose yashizeko umukono ku masezerano y'i Arusha.

3. Ategerezwa gusaba amakungu n'ibihugu bibanyi inteko zo gucungera amahoro mu Burundi kugira zikomeze umutekano, zicungere abanyapolitike bakuru bakuru cane cane abazoba bavuye hanze.

4. Ategerezwa gusubiramwo igisoda cuzuyemwo Abatutsi, agishiremwo adatevye imirwi yitwaje ibirwanisho   n'Abahutu.

5. Ategerezwa gukorana n'uwuserukira ONU ashinzwe impunzi no gusubiza iwabo abahunze.

6. Ategerezwa gucungera umutekano w'abakuru ba politike bose bazoba batashe mu Burundi.

7. Ariwe canke Leta yiwe ntibarekuriwe guturubika abatashigikiye politike yiwe.

8. Ategerezwa gupfungura abanyororo bose bapfungiwe ivya politike.

9. Ategerezwa gukorana neza na komite ishinzwe ivya amasezerano y'i Arusha.

10. Aremeye kuva ku butegetsi inyuma y'amezi cumi n'umunani.

11. Ategerezwa gusubira kwemeza ivyo vyose mu nama izobera i Arusha itariki 23/07/2001, hanyuma N. Mandela abishikirize ONU.

Murabona rero ko aho ibintu bigeze bikomeye. Ayo masezerano yemeye gushira mu ngiro ni yayandi twiyamiriza, twababwira ko akumira abarwanya ihonyabatutsi bose, yemeza ko ataryabaye, yambika izera abagize abarigize.  Amasezerano ashaka ko abo bagize iryo honyabatutsi aribo batwara inzego zose z'igihugu.  Amasezerano ashaka ko Uburundi busubira gutwarwa n'abanyamahanga. Amasezerano ashimikiye kuvangura amoko.

Abo bavuga ngo bapfungiwe ivya politike bategerezwa gupfungurwa, abo banyapolitiki bategerezwa gucungerwa n'abo bavuga ngo binjize mu gisoda ni bamwe biyemeje kugira ihonyabatutsi kuva mu 1993 n'ubu bakiribandanya. Izo nteko zizoza mu Burundi zizoba zije gufasha abo bagira ihonyabatutsi kuko nibo bazisavye.

Abarundi batasavye, batemeye ivyo bintu cumi na kimwe, urwaruka, abashingantahe abapfasoni, abasoda n'abataribo, bategerezwa gukenyera zikaguma kugira barwanye ivyo bintu birondera agatwe kabo.  Bategerezwa kwerekana ko ari Abarundi bahagurukanye ubugabo barikukira, bahabishijwe, ntibahababuka.

Abarundi batemeye amagaburanyama yíi Arusha bakunda Abarundi gusumba inda zabo bategerezwa kumera amagabo bagakoresha uburyo bafise kugira barwanire ukubaho kwabo.

Abagize ihonyabwoko, abagurisha Uburundi, abakunzi b'inda bazogira ivyo bishakiye kubera ari twebwe tubishatse.  Tutabemereye ntaco bazoshikako. Ngo "imfyisi itora mu rwangara" kandi ngo "iya kuriye ntuyigera inkoni".

Tuje hamwe - Turwanye umwansi - Ateshwe ate.

Bigiriwe i Bujumbura, 17/7/2001

PA-Puissance d'Autodéfense-Amasekanya

Ir. Rutamucero Diomède

Prezida.-

Retour