ITANGAZO N° 002/2001 RY’AMASENDIKA YOSE  YO MU BURUNDI

DUHAGARIKE KUNYWA IBINYOBWA VYA BRARUDI

Bakozi, Barundi mwese,

Amazi yamaze kurenga inkombe.

Umuntu asigaye arara atubitse umukanda mu nda kubera agashahara ari gato ibiciro navyo bikaguma biduga urutavanako. Inzara ntisiba kwiha inkumbi.

Ubu naho Leta yasubiye kwiha amenyo y’abatwenzi mu kuduza ibiciro kandi izi neza ko umunyagihugu ataco agishoboye gusuma.

Abaserukira abakozi mu ma Sendika yemewe mu BURUNDI  barakoranye itariki 15/05/2001 kugira ngo bahanahane ivyiyumviro bafatiye kw’iduzwa ry’ibicuro Leta iheruka gushinga.

Baciye bumvikana ibi bikurikira :

1° Baremeje ivyashikirijwe mw’itangazo riheruka gusohorwa n’Ishirahamwe mpuza masendika COSYBU.

2° Barashigikiye igikorwa cose coza kigarukana amahoro n’umutekano mu BURUNDI.

3° Bariyamirije ingingo Leta iheruka gushinga y’iduzwa ry’ibiciro mu gihe Abarundi  bari basanzwe biziziwe n’ubukene, indwara n’inzara vy’akanyomoza.

    Muri ico  kibanza bobo bari biteze iduzwa ry’umushahara n’igabanywa ry’amakori ku mishahara.

4° Barahakanye uruhendo ngo iryo duzwa ry’ibiciro rije gufasha kugarukana amahoro kandi n’intererano iheruka batigeze bamenya iyo yarengeye.

5° Ku bwabo, hamwe abarongoye iki gihugu bokwihangana bakagabanya ingende zo mu Mahanga z’urutavanako bakongera bagasubiza mu kigega amafaranga yasahuwe, ayo mafaranga yoheza agafasha bimwe biboneka mu kugarukana amahoro n’umutekano.

6° Bisunze ingingo ziheruka gushikirizwa n’Ishirahamwe mpuza Masendika COSYBU, basavye Abakozi n’Abarundi bose kubahiriza ibi bikurikira :

Mbega umurwayi ari ku mpfiro yakamye amaraso arashobora gusabwa ayo maraso nyene abuze? Ntaho ryari bwaboneke !!!

Fatane mu nda mwese mu gihugu cose mubikurikize ata numwe yidohoye.

Bigiriwe i Bujumbura, itariki 16/05/2001.

 ABAKURU B’AMASENDIKA YEMEWE MU BURUNDI

Retour